UtshovDoha 47
47.1
Chaupai
अस बिचारि प्रगटउँ निज मोहू। हरहु नाथ करि जन पर छोहू।।
राम नाम कर अमित प्रभावा। संत पुरान उपनिषद गावा।।
संतत जपत संभु अबिनासी। सिव भगवान ग्यान गुन रासी।।
आकर चारि जीव जग अहहीं। कासीं मरत परम पद लहहीं।।
सोपि राम महिमा मुनिराया। सिव उपदेसु करत करि दाया।।
रामु कवन प्रभु पूछउँ तोही। कहिअ बुझाइ कृपानिधि मोही।।
एक राम अवधेस कुमारा। तिन्ह कर चरित बिदित संसारा।।
नारि बिरहँ दुखु लहेउ अपारा। भयहु रोषु रन रावनु मारा।।
As bichari pragataum nij mohu, harahu nath kari jan par chhohu
Ram nam kar amit prabhava, sant puran upanishad gava
Santat japat sambhu abinasi, siv bhagavan gyan gun rasi
Akar chari jiv jag ahahin, kasin marat param pad lahahin
Sopi ram mahima muniraya, siv upadesu karat kari daya
Ramu kavan prabhu puchhaum tohi, kahia bujhai kripanidhi mohi
Ek ram avadhes kumara, tinha kar charit bidit sansara
Nari biraham dukhu laheu apara, bhayahu roshu ran ravanu mara
47.2
Doha/soratha
प्रभु सोइ राम कि अपर कोउ जाहि जपत त्रिपुरारि।
सत्यधाम सर्बग्य तुम्ह कहहु बिबेकु बिचारि ॥46॥
Prabhu soi ram ki apar kou jahi japat tripurari
Satyadham sarbagya tumha kahahu bibeku bichari