UtshovDoha 49
49.1
Chaupai
एक बार त्रेता जुग माहीं। संभु गए कुंभज रिषि पाहीं।।
संग सती जगजननि भवानी। पूजे रिषि अखिलेस्वर जानी।।
रामकथा मुनीबर्ज बखानी। सुनी महेस परम सुखु मानी।।
रिषि पूछी हरिभगति सुहाई। कही संभु अधिकारी पाई।।
कहत सुनत रघुपति गुन गाथा। कछु दिन तहाँ रहे गिरिनाथा।।
मुनि सन बिदा मागि त्रिपुरारी। चले भवन सँग दच्छकुमारी।।
तेहि अवसर भंजन महिभारा। हरि रघुबंस लीन्ह अवतारा।।
पिता बचन तजि राजु उदासी। दंडक बन बिचरत अबिनासी।।
Ek bar treta jug mahin, sambhu gae kumbhaj rishi pahin
Sang sati jagajanani bhavani, puje rishi akhilesvar jani
Ramakatha munibarja bakhani, suni mahes param sukhu mani
Rishi puchhi haribhagati suhai, kahi sambhu adhikari pai
Kahat sunat raghupati gun gatha, kachhu din tahan rahe girinatha
Muni san bida magi tripurari, chale bhavan sang dachchhakumari
Tehi avasar bhanjan mahibhara, hari raghubans linha avatara
Pita bachan taji raju udasi, dandak ban bicharat abinasi
49.2
Doha/soratha
ह्दयँ बिचारत जात हर केहि बिधि दरसनु होइ।
गुप्त रुप अवतरेउ प्रभु गएँ जान सबु कोइ ॥48(क)॥
Hdayam bicharat jat har kehi bidhi darasanu hoi
Gupta rup avatareu prabhu gaem jan sabu koi, 48(ka)
49.3
Doha/soratha
संकर उर अति छोभु सती न जानहिं मरमु सोइ।।
तुलसी दरसन लोभु मन डरु लोचन लालची ॥48(ख)॥
Sankar ur ati chhobhu sati na janahin maramu soi
Tulasi darasan lobhu man daru lochan lalachi, 48(kh)