UtshovDoha 39
39.1
Chaupai
जे गावहिं यह चरित सँभारे। तेइ एहि ताल चतुर रखवारे।।
सदा सुनहिं सादर नर नारी। तेइ सुरबर मानस अधिकारी।।
अति खल जे बिषई बग कागा। एहिं सर निकट न जाहिं अभागा।।
संबुक भेक सेवार समाना। इहाँ न बिषय कथा रस नाना।।
तेहि कारन आवत हियँ हारे। कामी काक बलाक बिचारे।।
आवत एहिं सर अति कठिनाई। राम कृपा बिनु आइ न जाई।।
कठिन कुसंग कुपंथ कराला। तिन्ह के बचन बाघ हरि ब्याला।।
गृह कारज नाना जंजाला। ते अति दुर्गम सैल बिसाला।।
बन बहु बिषम मोह मद माना। नदीं कुतर्क भयंकर नाना।।
Je gavahin yah charit sambhare, tei ehi tal chatur rakhavare
Sada sunahin sadar nar nari, tei surabar manas adhikari
Ati khal je bishai bag kaga, ehin sar nikat na jahin abhaga
Sambuk bhek sevar samana, ihan na bishay katha ras nana
Tehi karan avat hiyam hare, kami kak balak bichare
Avat ehin sar ati kathinai, ram kripa binu ai na jai
Kathin kusang kupanth karala, tinha ke bachan bagh hari byala
Grih karaj nana janjala, te ati durgam sail bisala
Ban bahu bisham moh mad mana, nadin kutarka bhayankar nana
39.2
Doha/soratha
जे श्रद्धा संबल रहित नहि संतन्ह कर साथ।
तिन्ह कहुँ मानस अगम अति जिन्हहि न प्रिय रघुनाथ ॥38॥
Je shraddha sambal rahit nahi santanha kar sath
Tinha kahun manas agam ati jinhahi na priy raghunath