UtshovDoha 38
38.1
Chaupai
सप्त प्रबन्ध सुभग सोपाना। ग्यान नयन निरखत मन माना।।
रघुपति महिमा अगुन अबाधा। बरनब सोइ बर बारि अगाधा।।
राम सीय जस सलिल सुधासम। उपमा बीचि बिलास मनोरम।।
पुरइनि सघन चारु चौपाई। जुगुति मंजु मनि सीप सुहाई।।
छंद सोरठा सुंदर दोहा। सोइ बहुरंग कमल कुल सोहा।।
अरथ अनूप सुमाव सुभासा। सोइ पराग मकरंद सुबासा।।
सुकृत पुंज मंजुल अलि माला। ग्यान बिराग बिचार मराला।।
धुनि अवरेब कबित गुन जाती। मीन मनोहर ते बहुभाँती।।
अरथ धरम कामादिक चारी। कहब ग्यान बिग्यान बिचारी।।
नव रस जप तप जोग बिरागा। ते सब जलचर चारु तड़ागा।।
सुकृती साधु नाम गुन गाना। ते बिचित्र जल बिहग समाना।।
संतसभा चहुँ दिसि अवँराई। श्रद्धा रितु बसंत सम गाई।।
भगति निरुपन बिबिध बिधाना। छमा दया दम लता बिताना।।
सम जम नियम फूल फल ग्याना। हरि पत रति रस बेद बखाना।।
औरउ कथा अनेक प्रसंगा। तेइ सुक पिक बहुबरन बिहंगा।।
Sapta prabandha subhag sopana, gyan nayan nirakhat man mana
Raghupati mahima agun abadha, baranab soi bar bari agadha
Ram siy jas salil sudhasam, upama bichi bilas manoram
Puraini saghan charu chaupai, juguti manju mani sip suhai
Chhand soratha sundar doha, soi bahurang kamal kul soha
Arath anup sumav subhasa, soi parag makarand subasa
Sukrit punj manjul ali mala, gyan birag bichar marala
Dhuni avareb kabit gun jati, min manohar te bahubhanti
Arath dharam kamadik chari, kahab gyan bigyan bichari
Nav ras jap tap jog biraga, te sab jalachar charu taraga
Sukriti sadhu nam gun gana, te bichitra jal bihag samana
Santasabha chahun disi avanrai, shraddha ritu basant sam gai
Bhagati nirupan bibidh bidhana, chhama daya dam lata bitana
Sam jam niyam phul phal gyana, hari pat rati ras bed bakhana
Aurau katha anek prasanga, tei suk pik bahubaran bihanga
38.2
Doha/soratha
पुलक बाटिका बाग बन सुख सुबिहंग बिहारु।
माली सुमन सनेह जल सींचत लोचन चारु ॥37॥
Pulak batika bag ban sukh subihang biharu
Mali suman saneh jal sinchat lochan charu