UtshovDoha 40
40.1
Chaupai
जौं करि कष्ट जाइ पुनि कोई। जातहिं नींद जुड़ाई होई।।
जड़ता जाड़ बिषम उर लागा। गएहुँ न मज्जन पाव अभागा।।
करि न जाइ सर मज्जन पाना। फिरि आवइ समेत अभिमाना।।
जौं बहोरि कोउ पूछन आवा। सर निंदा करि ताहि बुझावा।।
सकल बिघ्न ब्यापहि नहिं तेही। राम सुकृपाँ बिलोकहिं जेही।।
सोइ सादर सर मज्जनु करई। महा घोर त्रयताप न जरई।।
ते नर यह सर तजहिं न काऊ। जिन्ह के राम चरन भल भाऊ।।
जो नहाइ चह एहिं सर भाई। सो सतसंग करउ मन लाई।।
अस मानस मानस चख चाही। भइ कबि बुद्धि बिमल अवगाही।।
भयउ हृदयँ आनंद उछाहू। उमगेउ प्रेम प्रमोद प्रबाहू।।
चली सुभग कबिता सरिता सो। राम बिमल जस जल भरिता सो।।
सरजू नाम सुमंगल मूला। लोक बेद मत मंजुल कूला।।
नदी पुनीत सुमानस नंदिनि। कलिमल तृन तरु मूल निकंदिनि।।
Jaun kari kashta jai puni koi, jatahin nind jurai hoi
Jarata jar bisham ur laga, gaehun na majjan pav abhaga
Kari na jai sar majjan pana, phiri avai samet abhimana
Jaun bahori kou puchhan ava, sar ninda kari tahi bujhava
Sakal bighna byapahi nahin tehi, ram sukripan bilokahin jehi
Soi sadar sar majjanu karai, maha ghor trayatap na jarai
Te nar yah sar tajahin na kau, jinha ke ram charan bhal bhau
Jo nahai chah ehin sar bhai, so satasang karau man lai
As manas manas chakh chahi, bhai kabi buddhi bimal avagahi
Bhayau hridayam anand uchhahu, umageu prem pramod prabahu
Chali subhag kabita sarita so, ram bimal jas jal bharita so
Saraju nam sumangal mula, lok bed mat manjul kula
Nadi punit sumanas nandini, kalimal trin taru mul nikandini
40.2
Doha/soratha
श्रोता त्रिबिध समाज पुर ग्राम नगर दुहुँ कूल।
संतसभा अनुपम अवध सकल सुमंगल मूल ॥39॥
Shrota tribidh samaj pur gram nagar duhun kul
Santasabha anupam avadh sakal sumangal mul