UtshovDoha 359
359.1
Chaupai
नीदउँ बदन सोह सुठि लोना। मनहुँ साँझ सरसीरुह सोना।।
घर घर करहिं जागरन नारीं। देहिं परसपर मंगल गारीं।।
पुरी बिराजति राजति रजनी। रानीं कहहिं बिलोकहु सजनी।।
सुंदर बधुन्ह सासु लै सोई। फनिकन्ह जनु सिरमनि उर गोई।।
प्रात पुनीत काल प्रभु जागे। अरुनचूड़ बर बोलन लागे।।
बंदि मागधन्हि गुनगन गाए। पुरजन द्वार जोहारन आए।।
बंदि बिप्र सुर गुर पितु माता। पाइ असीस मुदित सब भ्राता।।
जननिन्ह सादर बदन निहारे। भूपति संग द्वार पगु धारे।।
Nidaum badan soh suthi lona, manahun sanjh sarasiruh sona
Ghar ghar karahin jagaran narin, dehin parasapar mangal garin
Puri birajati rajati rajani, ranin kahahin bilokahu sajani
Sundar badhunha sasu lai soi, phanikanha janu siramani ur goi
Prat punit kal prabhu jage, arunachur bar bolan lage
Bandi magadhanhi gunagan gae, purajan dvar joharan ae
Bandi bipra sur gur pitu mata, pai asis mudit sab bhrata
Jananinha sadar badan nihare, bhupati sang dvar pagu dhare
359.2
Doha/soratha
कीन्ह सौच सब सहज सुचि सरित पुनीत नहाइ।
प्रातक्रिया करि तात पहिं आए चारिउ भाइ ॥358॥
Kinha sauch sab sahaj suchi sarit punit nahai
Pratakriya kari tat pahin ae chariu bhai