UtshovDoha 360
360.1
Chaupai
भूप बिलोकि लिए उर लाई। बैठै हरषि रजायसु पाई।।
देखि रामु सब सभा जुड़ानी। लोचन लाभ अवधि अनुमानी।।
पुनि बसिष्टु मुनि कौसिक आए। सुभग आसनन्हि मुनि बैठाए।।
सुतन्ह समेत पूजि पद लागे। निरखि रामु दोउ गुर अनुरागे।।
कहहिं बसिष्टु धरम इतिहासा। सुनहिं महीसु सहित रनिवासा।।
मुनि मन अगम गाधिसुत करनी। मुदित बसिष्ट बिपुल बिधि बरनी।।
बोले बामदेउ सब साँची। कीरति कलित लोक तिहुँ माची।।
सुनि आनंदु भयउ सब काहू। राम लखन उर अधिक उछाहू।।
Bhup biloki lie ur lai, baithai harashi rajayasu pai
Dekhi ramu sab sabha jurani, lochan labh avadhi anumani
Puni basishtu muni kausik ae, subhag asananhi muni baithae
Sutanha samet puji pad lage, nirakhi ramu dou gur anurage
Kahahin basishtu dharam itihasa, sunahin mahisu sahit ranivasa
Muni man agam gadhisut karani, mudit basishta bipul bidhi barani
Bole bamadeu sab sanchi, kirati kalit lok tihun machi
Suni anandu bhayau sab kahu, ram lakhan ur adhik uchhahu
360.2
Doha/soratha
मंगल मोद उछाह नित जाहिं दिवस एहि भाँति।
उमगी अवध अनंद भरि अधिक अधिक अधिकाति ॥359॥
Mangal mod uchhah nit jahin divas ehi bhanti
Umagi avadh anand bhari adhik adhik adhikati