UtshovDoha 357
357.1
Chaupai
भूप बचन सुनि सहज सुहाए। जरित कनक मनि पलँग डसाए।।
सुभग सुरभि पय फेन समाना। कोमल कलित सुपेतीं नाना।।
उपबरहन बर बरनि न जाहीं। स्त्रग सुगंध मनिमंदिर माहीं।।
रतनदीप सुठि चारु चँदोवा। कहत न बनइ जान जेहिं जोवा।।
सेज रुचिर रचि रामु उठाए। प्रेम समेत पलँग पौढ़ाए।।
अग्या पुनि पुनि भाइन्ह दीन्ही। निज निज सेज सयन तिन्ह कीन्ही।।
देखि स्याम मृदु मंजुल गाता। कहहिं सप्रेम बचन सब माता।।
मारग जात भयावनि भारी। केहि बिधि तात ताड़का मारी।।
Bhup bachan suni sahaj suhae, jarit kanak mani palang dasae
Subhag surabhi pay phen samana, komal kalit supetin nana
Upabarahan bar barani na jahin, strag sugandh manimandir mahin
Ratanadip suthi charu chandova, kahat na banai jan jehin jova
Sej ruchir rachi ramu uthae, prem samet palang paurhae
Agya puni puni bhainha dinhi, nij nij sej sayan tinha kinhi
Dekhi syam mridu manjul gata, kahahin saprem bachan sab mata
Marag jat bhayavani bhari, kehi bidhi tat taraka mari
357.2
Doha/soratha
घोर निसाचर बिकट भट समर गनहिं नहिं काहु।।
मारे सहित सहाय किमि खल मारीच सुबाहु ॥356॥
Ghor nisachar bikat bhat samar ganahin nahin kahu
Mare sahit sahaya kimi khal marich subahu