UtshovDoha 356
356.1
Chaupai
मंगलगान करहिं बर भामिनि। भै सुखमूल मनोहर जामिनि।।
अँचइ पान सब काहूँ पाए। स्त्रग सुगंध भूषित छबि छाए।।
रामहि देखि रजायसु पाई। निज निज भवन चले सिर नाई।।
प्रेम प्रमोद बिनोदु बढ़ाई। समउ समाजु मनोहरताई।।
कहि न सकहि सत सारद सेसू। बेद बिरंचि महेस गनेसू।।
सो मै कहौं कवन बिधि बरनी। भूमिनागु सिर धरइ कि धरनी।।
नृप सब भाँति सबहि सनमानी। कहि मृदु बचन बोलाई रानी।।
बधू लरिकनीं पर घर आईं। राखेहु नयन पलक की नाई।।
Mangalagan karahin bar bhamini, bhai sukhamul manohar jamini
Anchai pan sab kahun pae, strag sugandh bhushit chhabi chhae
Ramahi dekhi rajayasu pai, nij nij bhavan chale sir nai
Prem pramod binodu barhai, samau samaju manoharatai
Kahi na sakahi sat sarad sesu, bed biranchi mahes ganesu
So mai kahaun kavan bidhi barani, bhuminagu sir dharai ki dharani
Nrip sab bhanti sabahi sanamani, kahi mridu bachan bolai rani
Badhu larikanin par ghar aim, rakhehu nayan palak ki nai
356.2
Doha/soratha
लरिका श्रमित उनीद बस सयन करावहु जाइ।
अस कहि गे बिश्रामगृहँ राम चरन चितु लाइ ॥355॥
Larika shramit unid bas sayan karavahu jai
As kahi ge bishramagriham ram charan chitu lai