UtshovDoha 352
352.1
Chaupai
देव पितर पूजे बिधि नीकी। पूजीं सकल बासना जी की।।
सबहिं बंदि मागहिं बरदाना। भाइन्ह सहित राम कल्याना।।
अंतरहित सुर आसिष देहीं। मुदित मातु अंचल भरि लेंहीं।।
भूपति बोलि बराती लीन्हे। जान बसन मनि भूषन दीन्हे।।
आयसु पाइ राखि उर रामहि। मुदित गए सब निज निज धामहि।।
पुर नर नारि सकल पहिराए। घर घर बाजन लगे बधाए।।
जाचक जन जाचहि जोइ जोई। प्रमुदित राउ देहिं सोइ सोई।।
सेवक सकल बजनिआ नाना। पूरन किए दान सनमाना।।
Dev pitar puje bidhi niki, pujin sakal basana ji ki
Sabahin bandi magahin baradana, bhainha sahit ram kalyana
Antarahit sur asish dehin, mudit matu anchal bhari lenhin
Bhupati boli barati linhe, jan basan mani bhushan dinhe
Ayasu pai rakhi ur ramahi, mudit gae sab nij nij dhamahi
Pur nar nari sakal pahirae, ghar ghar bajan lage badhae
Jachak jan jachahi joi joi, pramudit rau dehin soi soi
Sevak sakal bajania nana, puran kie dan sanamana
352.2
Doha/soratha
देंहिं असीस जोहारि सब गावहिं गुन गन गाथ।
तब गुर भूसुर सहित गृहँ गवनु कीन्ह नरनाथ ॥351॥
Denhin asis johari sab gavahin gun gan gath
Tab gur bhusur sahit griham gavanu kinha naranath