UtshovDoha 351
351.1
Chaupai
चारि सिंघासन सहज सुहाए। जनु मनोज निज हाथ बनाए।।
तिन्ह पर कुअँरि कुअँर बैठारे। सादर पाय पुनित पखारे।।
धूप दीप नैबेद बेद बिधि। पूजे बर दुलहिनि मंगलनिधि।।
बारहिं बार आरती करहीं। ब्यजन चारु चामर सिर ढरहीं।।
बस्तु अनेक निछावर होहीं। भरीं प्रमोद मातु सब सोहीं।।
पावा परम तत्व जनु जोगीं। अमृत लहेउ जनु संतत रोगीं।।
जनम रंक जनु पारस पावा। अंधहि लोचन लाभु सुहावा।।
मूक बदन जनु सारद छाई। मानहुँ समर सूर जय पाई।।
Chari singhasan sahaj suhae, janu manoj nij hath banae
Tinha par kuanri kuanr baithare, sadar paya punit pakhare
Dhup dip naibed bed bidhi, puje bar dulahini mangalanidhi
Barahin bar arati karahin, byajan charu chamar sir dharahin
Bastu anek nichhavar hohin, bharin pramod matu sab sohin
Pava param tatva janu jogin, amrit laheu janu santat rogin
Janam rank janu paras pava, andhahi lochan labhu suhava
Muk badan janu sarad chhai, manahun samar sur jay pai
351.2
Doha/soratha
एहि सुख ते सत कोटि गुन पावहिं मातु अनंदु।।
भाइन्ह सहित बिआहि घर आए रघुकुलचंदु ॥350(क)॥
Ehi sukh te sat koti gun pavahin matu anandu
Bhainha sahit biahi ghar ae raghukulachandu, 350(ka)
351.3
Doha/soratha
लोक रीत जननी करहिं बर दुलहिनि सकुचाहिं।
मोदु बिनोदु बिलोकि बड़ रामु मनहिं मुसकाहिं ॥350(ख)॥
Lok rit janani karahin bar dulahini sakuchahin
Modu binodu biloki bar ramu manahin musakahin, 350(kh)