UtshovDoha 347
347.1
Chaupai
मोद प्रमोद बिबस सब माता। चलहिं न चरन सिथिल भए गाता।।
राम दरस हित अति अनुरागीं। परिछनि साजु सजन सब लागीं।।
बिबिध बिधान बाजने बाजे। मंगल मुदित सुमित्राँ साजे।।
हरद दूब दधि पल्लव फूला। पान पूगफल मंगल मूला।।
अच्छत अंकुर लोचन लाजा। मंजुल मंजरि तुलसि बिराजा।।
छुहे पुरट घट सहज सुहाए। मदन सकुन जनु नीड़ बनाए।।
सगुन सुंगध न जाहिं बखानी। मंगल सकल सजहिं सब रानी।।
रचीं आरतीं बहुत बिधाना। मुदित करहिं कल मंगल गाना।।
Mod pramod bibas sab mata, chalahin na charan sithil bhae gata
Ram daras hit ati anuragin, parichhani saju sajan sab lagin
Bibidh bidhan bajane baje, mangal mudit sumitran saje
Harad dub dadhi pallav phula, pan pugaphal mangal mula
Achchhat ankur lochan laja, manjul manjari tulasi biraja
Chhuhe purat ghat sahaj suhae, madan sakun janu nir banae
Sagun sungadh na jahin bakhani, mangal sakal sajahin sab rani
Rachin aratin bahut bidhana, mudit karahin kal mangal gana
347.2
Doha/soratha
कनक थार भरि मंगलन्हि कमल करन्हि लिएँ मात।
चलीं मुदित परिछनि करन पुलक पल्लवित गात ॥346॥
Kanak thar bhari mangalanhi kamal karanhi liem mat
Chalin mudit parichhani karan pulak pallavit gat