UtshovDoha 346
346.1
Chaupai
भूप भवन तेहि अवसर सोहा। रचना देखि मदन मनु मोहा।।
मंगल सगुन मनोहरताई। रिधि सिधि सुख संपदा सुहाई।।
जनु उछाह सब सहज सुहाए। तनु धरि धरि दसरथ दसरथ गृहँ छाए।।
देखन हेतु राम बैदेही। कहहु लालसा होहि न केही।।
जुथ जूथ मिलि चलीं सुआसिनि। निज छबि निदरहिं मदन बिलासनि।।
सकल सुमंगल सजें आरती। गावहिं जनु बहु बेष भारती।।
भूपति भवन कोलाहलु होई। जाइ न बरनि समउ सुखु सोई।।
कौसल्यादि राम महतारीं। प्रेम बिबस तन दसा बिसारीं।।
Bhup bhavan tehi avasar soha, rachana dekhi madan manu moha
Mangal sagun manoharatai, ridhi sidhi sukh sampada suhai
Janu uchhah sab sahaj suhae, tanu dhari dhari dasarath dasarath griham chhae
Dekhan hetu ram baidehi, kahahu lalasa hohi na kehi
Juth juth mili chalin suasini, nij chhabi nidarahin madan bilasani
Sakal sumangal sajen arati, gavahin janu bahu besh bharati
Bhupati bhavan kolahalu hoi, jai na barani samau sukhu soi
Kausalyadi ram mahatarin, prem bibas tan dasa bisarin
346.2
Doha/soratha
दिए दान बिप्रन्ह बिपुल पूजि गनेस पुरारी।
प्रमुदित परम दरिद्र जनु पाइ पदारथ चारि ॥345॥
Die dan bipranha bipul puji ganes purari
Pramudit param daridra janu pai padarath chari