UtshovDoha 345
345.1
Chaupai
हने निसान पनव बर बाजे। भेरि संख धुनि हय गय गाजे।।
झाँझि बिरव डिंडमीं सुहाई। सरस राग बाजहिं सहनाई।।
पुर जन आवत अकनि बराता। मुदित सकल पुलकावलि गाता।।
निज निज सुंदर सदन सँवारे। हाट बाट चौहट पुर द्वारे।।
गलीं सकल अरगजाँ सिंचाई। जहँ तहँ चौकें चारु पुराई।।
बना बजारु न जाइ बखाना। तोरन केतु पताक बिताना।।
सफल पूगफल कदलि रसाला। रोपे बकुल कदंब तमाला।।
लगे सुभग तरु परसत धरनी। मनिमय आलबाल कल करनी।।
Hane nisan panav bar baje, bheri sankh dhuni hay gay gaje
Jhanjhi birav dindamin suhai, saras rag bajahin sahanai
Pur jan avat akani barata, mudit sakal pulakavali gata
Nij nij sundar sadan sanvare, hat bat chauhat pur dvare
Galin sakal aragajan sinchai, jaham taham chauken charu purai
Bana bajaru na jai bakhana, toran ketu patak bitana
Saphal pugaphal kadali rasala, rope bakul kadamb tamala
Lage subhag taru parasat dharani, manimay alabal kal karani
345.2
Doha/soratha
बिबिध भाँति मंगल कलस गृह गृह रचे सँवारि।
सुर ब्रह्मादि सिहाहिं सब रघुबर पुरी निहारि ॥344॥
Bibidh bhanti mangal kalas grih grih rache sanvari
Sur brahmadi sihahin sab raghubar puri nihari