UtshovDoha 326
326.1
Chaupai
कुअँरु कुअँरि कल भावँरि देहीं।।नयन लाभु सब सादर लेहीं।।
जाइ न बरनि मनोहर जोरी। जो उपमा कछु कहौं सो थोरी।।
राम सीय सुंदर प्रतिछाहीं। जगमगात मनि खंभन माहीं ।
मनहुँ मदन रति धरि बहु रूपा। देखत राम बिआहु अनूपा।।
दरस लालसा सकुच न थोरी। प्रगटत दुरत बहोरि बहोरी।।
भए मगन सब देखनिहारे। जनक समान अपान बिसारे।।
प्रमुदित मुनिन्ह भावँरी फेरी। नेगसहित सब रीति निबेरीं।।
राम सीय सिर सेंदुर देहीं। सोभा कहि न जाति बिधि केहीं।।
अरुन पराग जलजु भरि नीकें। ससिहि भूष अहि लोभ अमी कें।।
बहुरि बसिष्ठ दीन्ह अनुसासन। बरु दुलहिनि बैठे एक आसन।।
Kuanru kuanri kal bhavanri dehin, nayan labhu sab sadar lehin
Jai na barani manohar jori, jo upama kachhu kahaun so thori
Ram siy sundar pratichhahin, jagamagat mani khambhan mahin
Manahun madan rati dhari bahu rupa, dekhat ram biahu anupa
Daras lalasa sakuch na thori, pragatat durat bahori bahori
Bhae magan sab dekhanihare, janak saman apan bisare
Pramudit muninha bhavanri pheri, negasahit sab riti niberin
Ram siy sir sendur dehin, sobha kahi na jati bidhi kehin
Arun parag jalaju bhari niken, sasihi bhush ahi lobh ami ken
Bahuri basishtha dinha anusasan, baru dulahini baithe ek asan
326.2
Chhand
बैठे बरासन रामु जानकि मुदित मन दसरथु भए।
तनु पुलक पुनि पुनि देखि अपनें सुकृत सुरतरु फल नए।।
भरि भुवन रहा उछाहु राम बिबाहु भा सबहीं कहा।
केहि भाँति बरनि सिरात रसना एक यहु मंगलु महा ॥1॥
Baithe barasan ramu janaki mudit man dasarathu bhae
Tanu pulak puni puni dekhi apanen sukrit surataru phal nae
Bhari bhuvan raha uchhahu ram bibahu bha sabahin kaha
Kehi bhanti barani sirat rasana ek yahu mangalu maha
326.3
Chhand
तब जनक पाइ बसिष्ठ आयसु ब्याह साज सँवारि कै।
माँडवी श्रुतिकीरति उरमिला कुअँरि लईं हँकारि के।।
कुसकेतु कन्या प्रथम जो गुन सील सुख सोभामई।
सब रीति प्रीति समेत करि सो ब्याहि नृप भरतहि दई ॥2॥
Tab janak pai basishtha ayasu byah saj sanvari kai
Mandavi shrutikirati uramila kuanri laim hankari ke
Kusaketu kanya pratham jo gun sil sukh sobhamai
Sab riti priti samet kari so byahi nrip bharatahi dai
326.4
Chhand
जानकी लघु भगिनी सकल सुंदरि सिरोमनि जानि कै।
सो तनय दीन्ही ब्याहि लखनहि सकल बिधि सनमानि कै।।
जेहि नामु श्रुतकीरति सुलोचनि सुमुखि सब गुन आगरी।
सो दई रिपुसूदनहि भूपति रूप सील उजागरी ॥3॥
Janaki laghu bhagini sakal sundari siromani jani kai
So tanay dinhi byahi lakhanahi sakal bidhi sanamani kai
Jehi namu shrutakirati sulochani sumukhi sab gun agari
So dai ripusudanahi bhupati rup sil ujagari
326.5
Chhand
अनुरुप बर दुलहिनि परस्पर लखि सकुच हियँ हरषहीं।
सब मुदित सुंदरता सराहहिं सुमन सुर गन बरषहीं।।
सुंदरी सुंदर बरन्ह सह सब एक मंडप राजहीं।
जनु जीव उर चारिउ अवस्था बिमुन सहित बिराजहीं ॥4॥
Anurup bar dulahini paraspar lakhi sakuch hiyam harashahin
Sab mudit sundarata sarahahin suman sur gan barashahin
Sundari sundar baranha sah sab ek mandap rajahin
Janu jiv ur chariu avastha bimun sahit birajahin
326.6
Doha/soratha
मुदित अवधपति सकल सुत बधुन्ह समेत निहारि।
जनु पार महिपाल मनि क्रियन्ह सहित फल चारि ॥325॥
Mudit avadhapati sakal sut badhunha samet nihari
Janu par mahipal mani kriyanha sahit phal chari