UtshovDoha 325
325.1
Chaupai
जनक पाटमहिषी जग जानी। सीय मातु किमि जाइ बखानी।।
सुजसु सुकृत सुख सुदंरताई। सब समेटि बिधि रची बनाई।।
समउ जानि मुनिबरन्ह बोलाई। सुनत सुआसिनि सादर ल्याई।।
जनक बाम दिसि सोह सुनयना। हिमगिरि संग बनि जनु मयना।।
कनक कलस मनि कोपर रूरे। सुचि सुंगध मंगल जल पूरे।।
निज कर मुदित रायँ अरु रानी। धरे राम के आगें आनी।।
पढ़हिं बेद मुनि मंगल बानी। गगन सुमन झरि अवसरु जानी।।
बरु बिलोकि दंपति अनुरागे। पाय पुनीत पखारन लागे।।
Janak patamahishi jag jani, siy matu kimi jai bakhani
Sujasu sukrit sukh sudanratai, sab sameti bidhi rachi banai
Samau jani munibaranha bolai, sunat suasini sadar lyai
Janak bam disi soh sunayana, himagiri sang bani janu mayana
Kanak kalas mani kopar rure, suchi sungadh mangal jal pure
Nij kar mudit rayam aru rani, dhare ram ke agen ani
Parhahin bed muni mangal bani, gagan suman jhari avasaru jani
Baru biloki dampati anurage, paya punit pakharan lage
325.2
Chhand
लागे पखारन पाय पंकज प्रेम तन पुलकावली।
नभ नगर गान निसान जय धुनि उमगि जनु चहुँ दिसि चली।।
जे पद सरोज मनोज अरि उर सर सदैव बिराजहीं।
जे सकृत सुमिरत बिमलता मन सकल कलि मल भाजहीं ॥1॥
Lage pakharan paya pankaj prem tan pulakavali
Nabh nagar gan nisan jay dhuni umagi janu chahun disi chali
Je pad saroj manoj ari ur sar sadaiv birajahin
Je sakrit sumirat bimalata man sakal kali mal bhajahin
325.3
Chhand
जे परसि मुनिबनिता लही गति रही जो पातकमई।
मकरंदु जिन्ह को संभु सिर सुचिता अवधि सुर बरनई।।
करि मधुप मन मुनि जोगिजन जे सेइ अभिमत गति लहैं।
ते पद पखारत भाग्यभाजनु जनकु जय जय सब कहै ॥2॥
Je parasi munibanita lahi gati rahi jo patakamai
Makarandu jinha ko sambhu sir suchita avadhi sur baranai
Kari madhup man muni jogijan je sei abhimat gati lahain
Te pad pakharat bhagyabhajanu janaku jay jay sab kahai
325.4
Chhand
बर कुअँरि करतल जोरि साखोचारु दोउ कुलगुर करैं।
भयो पानिगहनु बिलोकि बिधि सुर मनुज मुनि आँनद भरैं।।
सुखमूल दूलहु देखि दंपति पुलक तन हुलस्यो हियो।
करि लोक बेद बिधानु कन्यादानु नृपभूषन कियो ॥3॥
Bar kuanri karatal jori sakhocharu dou kulagur karain
Bhayo panigahanu biloki bidhi sur manuj muni annad bharain
Sukhamul dulahu dekhi dampati pulak tan hulasyo hiyo
Kari lok bed bidhanu kanyadanu nripabhushan kiyo
325.5
Chhand
हिमवंत जिमि गिरिजा महेसहि हरिहि श्री सागर दई।
तिमि जनक रामहि सिय समरपी बिस्व कल कीरति नई।।
क्यों करै बिनय बिदेहु कियो बिदेहु मूरति सावँरी।
करि होम बिधिवत गाँठि जोरी होन लागी भावँरी ॥4॥
Himavant jimi girija mahesahi harihi shri sagar dai
Timi janak ramahi siy samarapi bisva kal kirati nai
Kyon karai binay bidehu kiyo bidehu murati savanri
Kari hom bidhivat ganthi jori hon lagi bhavanri
325.6
Doha/soratha
जय धुनि बंदी बेद धुनि मंगल गान निसान।
सुनि हरषहिं बरषहिं बिबुध सुरतरु सुमन सुजान ॥324॥
Jay dhuni bandi bed dhuni mangal gan nisan
Suni harashahin barashahin bibudh surataru suman sujan