UtshovDoha 32
32.1
Chaupai
तदपि कही गुर बारहिं बारा। समुझि परी कछु मति अनुसारा।।
भाषाबद्ध करबि मैं सोई। मोरें मन प्रबोध जेहिं होई।।
जस कछु बुधि बिबेक बल मेरें। तस कहिहउँ हियँ हरि के प्रेरें।।
निज संदेह मोह भ्रम हरनी। करउँ कथा भव सरिता तरनी।।
बुध बिश्राम सकल जन रंजनि। रामकथा कलि कलुष बिभंजनि।।
रामकथा कलि पंनग भरनी। पुनि बिबेक पावक कहुँ अरनी।।
रामकथा कलि कामद गाई। सुजन सजीवनि मूरि सुहाई।।
सोइ बसुधातल सुधा तरंगिनि। भय भंजनि भ्रम भेक भुअंगिनि।।
असुर सेन सम नरक निकंदिनि। साधु बिबुध कुल हित गिरिनंदिनि।।
संत समाज पयोधि रमा सी। बिस्व भार भर अचल छमा सी।।
जम गन मुहँ मसि जग जमुना सी। जीवन मुकुति हेतु जनु कासी।।
रामहि प्रिय पावनि तुलसी सी। तुलसिदास हित हियँ हुलसी सी।।
सिवप्रय मेकल सैल सुता सी। सकल सिद्धि सुख संपति रासी।।
सदगुन सुरगन अंब अदिति सी। रघुबर भगति प्रेम परमिति सी।।
Tadapi kahi gur barahin bara, samujhi pari kachhu mati anusara
Bhashabaddha karabi main soi, moren man prabodh jehin hoi
Jas kachhu budhi bibek bal meren, tas kahihaum hiyam hari ke preren
Nij sandeh moh bhram harani, karaum katha bhav sarita tarani
Budh bishram sakal jan ranjani, ramakatha kali kalush bibhanjani
Ramakatha kali pannag bharani, puni bibek pavak kahun arani
Ramakatha kali kamad gai, sujan sajivani muri suhai
Soi basudhatal sudha tarangini, bhay bhanjani bhram bhek bhuangini
Asur sen sam narak nikandini, sadhu bibudh kul hit girinandini
Sant samaj payodhi rama si, bisva bhar bhar achal chhama si
Jam gan muham masi jag jamuna si, jivan mukuti hetu janu kasi
Ramahi priy pavani tulasi si, tulasidas hit hiyam hulasi si
Sivapray mekal sail suta si, sakal siddhi sukh sampati rasi
Sadagun suragan amb aditi si, raghubar bhagati prem paramiti si
32.2
Doha/soratha
राम कथा मंदाकिनी चित्रकूट चित चारु।
तुलसी सुभग सनेह बन सिय रघुबीर बिहारु ॥31॥
Ram katha mandakini chitrakut chit charu
Tulasi subhag saneh ban siy raghubir biharu