UtshovDoha 33
33.1
Chaupai
राम चरित चिंतामनि चारू। संत सुमति तिय सुभग सिंगारू।।
जग मंगल गुन ग्राम राम के। दानि मुकुति धन धरम धाम के।।
सदगुर ग्यान बिराग जोग के। बिबुध बैद भव भीम रोग के।।
जननि जनक सिय राम प्रेम के। बीज सकल ब्रत धरम नेम के।।
समन पाप संताप सोक के। प्रिय पालक परलोक लोक के।।
सचिव सुभट भूपति बिचार के। कुंभज लोभ उदधि अपार के।।
काम कोह कलिमल करिगन के। केहरि सावक जन मन बन के।।
अतिथि पूज्य प्रियतम पुरारि के। कामद घन दारिद दवारि के।।
मंत्र महामनि बिषय ब्याल के। मेटत कठिन कुअंक भाल के।।
हरन मोह तम दिनकर कर से। सेवक सालि पाल जलधर से।।
अभिमत दानि देवतरु बर से। सेवत सुलभ सुखद हरि हर से।।
सुकबि सरद नभ मन उडगन से। रामभगत जन जीवन धन से।।
सकल सुकृत फल भूरि भोग से। जग हित निरुपधि साधु लोग से।।
सेवक मन मानस मराल से। पावक गंग तंरग माल से।।
Ram charit chintamani charu, sant sumati tiy subhag singaru
Jag mangal gun gram ram ke, dani mukuti dhan dharam dham ke
Sadagur gyan birag jog ke, bibudh baid bhav bhim rog ke
Janani janak siy ram prem ke, bij sakal brat dharam nem ke
Saman pap santap sok ke, priy palak paralok lok ke
Sachiv subhat bhupati bichar ke, kumbhaj lobh udadhi apar ke
Kam koh kalimal karigan ke, kehari savak jan man ban ke
Atithi pujya priyatam purari ke, kamad ghan darid davari ke
Mantra mahamani bishay byal ke, metat kathin kuank bhal ke
Haran moh tam dinakar kar se, sevak sali pal jaladhar se
Abhimat dani devataru bar se, sevat sulabh sukhad hari har se
Sukabi sarad nabh man udagan se, ramabhagat jan jivan dhan se
Sakal sukrit phal bhuri bhog se, jag hit nirupadhi sadhu log se
Sevak man manas maral se, pavak gang tanrag mal se
33.2
Doha/soratha
कुपथ कुतरक कुचालि कलि कपट दंभ पाषंड।
दहन राम गुन ग्राम जिमि इंधन अनल प्रचंड ॥32(क)॥
Kupath kutarak kuchali kali kapat dambh pashand
Dahan ram gun gram jimi indhan anal prachand, 32(ka)
33.3
Doha/soratha
रामचरित राकेस कर सरिस सुखद सब काहु।
सज्जन कुमुद चकोर चित हित बिसेषि बड़ लाहु ॥32(ख)॥
Ramacharit rakes kar saris sukhad sab kahu
Sajjan kumud chakor chit hit biseshi bar lahu, 32(kh)