UtshovDoha 31
31.1
Chaupai
जागबलिक जो कथा सुहाई। भरद्वाज मुनिबरहि सुनाई।।
कहिहउँ सोइ संबाद बखानी। सुनहुँ सकल सज्जन सुखु मानी।।
संभु कीन्ह यह चरित सुहावा। बहुरि कृपा करि उमहि सुनावा।।
सोइ सिव कागभुसुंडिहि दीन्हा। राम भगत अधिकारी चीन्हा।।
तेहि सन जागबलिक पुनि पावा। तिन्ह पुनि भरद्वाज प्रति गावा।।
ते श्रोता बकता समसीला। सवँदरसी जानहिं हरिलीला।।
जानहिं तीनि काल निज ग्याना। करतल गत आमलक समाना।।
औरउ जे हरिभगत सुजाना। कहहिं सुनहिं समुझहिं बिधि नाना।।
Jagabalik jo katha suhai, bharadvaj munibarahi sunai
Kahihaum soi sambad bakhani, sunahun sakal sajjan sukhu mani
Sambhu kinha yah charit suhava, bahuri kripa kari umahi sunava
Soi siv kagabhusundihi dinha, ram bhagat adhikari chinha
Tehi san jagabalik puni pava, tinha puni bharadvaj prati gava
Te shrota bakata samasila, savandarasi janahin harilila
Janahin tini kal nij gyana, karatal gat amalak samana
Aurau je haribhagat sujana, kahahin sunahin samujhahin bidhi nana
31.2
Doha/soratha
मै पुनि निज गुर सन सुनी कथा सो सूकरखेत।
समुझी नहि तसि बालपन तब अति रहेउँ अचेत ॥30(क)॥
Mai puni nij gur san suni katha so sukarakhet
Samujhi nahi tasi balapan tab ati raheum achet, 30(ka)
31.3
Doha/soratha
श्रोता बकता ग्याननिधि कथा राम कै गूढ़।
किमि समुझौं मै जीव जड़ कलि मल ग्रसित बिमूढ़ ॥30(ख)॥
Shrota bakata gyananidhi katha ram kai gurh
Kimi samujhaun mai jiv jar kali mal grasit bimurh, 30(kh)