UtshovDoha 30
30.1
Chaupai
अति बड़ि मोरि ढिठाई खोरी। सुनि अघ नरकहुँ नाक सकोरी।।
समुझि सहम मोहि अपडर अपनें। सो सुधि राम कीन्हि नहिं सपनें।।
सुनि अवलोकि सुचित चख चाही। भगति मोरि मति स्वामि सराही।।
कहत नसाइ होइ हियँ नीकी। रीझत राम जानि जन जी की।।
रहति न प्रभु चित चूक किए की। करत सुरति सय बार हिए की।।
जेहिं अघ बधेउ ब्याध जिमि बाली। फिरि सुकंठ सोइ कीन्ह कुचाली।।
सोइ करतूति बिभीषन केरी। सपनेहुँ सो न राम हियँ हेरी।।
ते भरतहि भेंटत सनमाने। राजसभाँ रघुबीर बखाने।।
Ati bari mori dhithai khori, suni agh narakahun nak sakori
Samujhi saham mohi apadar apanen, so sudhi ram kinhi nahin sapanen
Suni avaloki suchit chakh chahi, bhagati mori mati svami sarahi
Kahat nasai hoi hiyam niki, rijhat ram jani jan ji ki
Rahati na prabhu chit chuk kie ki, karat surati say bar hie ki
Jehin agh badheu byadh jimi bali, phiri sukanth soi kinha kuchali
Soi karatuti bibhishan keri, sapanehun so na ram hiyam heri
Te bharatahi bhentat sanamane, rajasabhan raghubir bakhane
30.2
Doha/soratha
प्रभु तरु तर कपि डार पर ते किए आपु समान।।
तुलसी कहूँ न राम से साहिब सीलनिधान ॥29(क)॥
Prabhu taru tar kapi dar par te kie apu saman
Tulasi kahun na ram se sahib silanidhan, 29(ka)
30.3
Doha/soratha
राम निकाईं रावरी है सबही को नीक।
जों यह साँची है सदा तौ नीको तुलसीक ॥29(ख)॥
Ram nikaim ravari hai sabahi ko nik
Jon yah sanchi hai sada tau niko tulasik, 29(kh)
30.4
Doha/soratha
एहि बिधि निज गुन दोष कहि सबहि बहुरि सिरु नाइ।
बरनउँ रघुबर बिसद जसु सुनि कलि कलुष नसाइ ॥29(ग)॥
Ehi bidhi nij gun dosh kahi sabahi bahuri siru nai
Baranaum raghubar bisad jasu suni kali kalush nasai, 29(ga)