UtshovDoha 29
29.1
Chaupai
भायँ कुभायँ अनख आलसहूँ। नाम जपत मंगल दिसि दसहूँ।।
सुमिरि सो नाम राम गुन गाथा। करउँ नाइ रघुनाथहि माथा।।
मोरि सुधारिहि सो सब भाँती। जासु कृपा नहिं कृपाँ अघाती।।
राम सुस्वामि कुसेवकु मोसो। निज दिसि दैखि दयानिधि पोसो।।
लोकहुँ बेद सुसाहिब रीतीं। बिनय सुनत पहिचानत प्रीती।।
गनी गरीब ग्रामनर नागर। पंडित मूढ़ मलीन उजागर।।
सुकबि कुकबि निज मति अनुहारी। नृपहि सराहत सब नर नारी।।
साधु सुजान सुसील नृपाला। ईस अंस भव परम कृपाला।।
सुनि सनमानहिं सबहि सुबानी। भनिति भगति नति गति पहिचानी।।
यह प्राकृत महिपाल सुभाऊ। जान सिरोमनि कोसलराऊ।।
रीझत राम सनेह निसोतें। को जग मंद मलिनमति मोतें।।
Bhayam kubhayam anakh alasahun, nam japat mangal disi dasahun
Sumiri so nam ram gun gatha, karaum nai raghunathahi matha
Mori sudharihi so sab bhanti, jasu kripa nahin kripan aghati
Ram susvami kusevaku moso, nij disi daikhi dayanidhi poso
Lokahun bed susahib ritin, binay sunat pahichanat priti
Gani garib gramanar nagar, pandit murh malin ujagar
Sukabi kukabi nij mati anuhari, nripahi sarahat sab nar nari
Sadhu sujan susil nripala, is ans bhav param kripala
Suni sanamanahin sabahi subani, bhaniti bhagati nati gati pahichani
Yah prakrit mahipal subhau, jan siromani kosalarau
Rijhat ram saneh nisoten, ko jag mand malinamati moten
29.2
Doha/soratha
सठ सेवक की प्रीति रुचि रखिहहिं राम कृपालु।
उपल किए जलजान जेहिं सचिव सुमति कपि भालु ॥28(क)॥
Sath sevak ki priti ruchi rakhihahin ram kripalu
Upal kie jalajan jehin sachiv sumati kapi bhalu, 28(ka)
29.3
Doha/soratha
हौहु कहावत सबु कहत राम सहत उपहास।
साहिब सीतानाथ सो सेवक तुलसीदास ॥28(ख)॥
Hauhu kahavat sabu kahat ram sahat upahas
Sahib sitanath so sevak tulasidas, 28(kh)