UtshovDoha 316
316.1
Chaupai
जिन्ह कर नामु लेत जग माहीं। सकल अमंगल मूल नसाहीं।।
करतल होहिं पदारथ चारी। तेइ सिय रामु कहेउ कामारी।।
एहि बिधि संभु सुरन्ह समुझावा। पुनि आगें बर बसह चलावा।।
देवन्ह देखे दसरथु जाता। महामोद मन पुलकित गाता।।
साधु समाज संग महिदेवा। जनु तनु धरें करहिं सुख सेवा।।
सोहत साथ सुभग सुत चारी। जनु अपबरग सकल तनुधारी।।
मरकत कनक बरन बर जोरी। देखि सुरन्ह भै प्रीति न थोरी।।
पुनि रामहि बिलोकि हियँ हरषे। नृपहि सराहि सुमन तिन्ह बरषे।।
Jinha kar namu let jag mahin, sakal amangal mul nasahin
Karatal hohin padarath chari, tei siy ramu kaheu kamari
Ehi bidhi sambhu suranha samujhava, puni agen bar basah chalava
Devanha dekhe dasarathu jata, mahamod man pulakit gata
Sadhu samaj sang mahideva, janu tanu dharen karahin sukh seva
Sohat sath subhag sut chari, janu apabarag sakal tanudhari
Marakat kanak baran bar jori, dekhi suranha bhai priti na thori
Puni ramahi biloki hiyam harashe, nripahi sarahi suman tinha barashe
316.2
Doha/soratha
राम रूपु नख सिख सुभग बारहिं बार निहारि।
पुलक गात लोचन सजल उमा समेत पुरारि ॥315॥
Ram rupu nakh sikh subhag barahin bar nihari
Pulak gat lochan sajal uma samet purari