UtshovDoha 315
315.1
Chaupai
सुरन्ह सुमंगल अवसरु जाना। बरषहिं सुमन बजाइ निसाना।।
सिव ब्रह्मादिक बिबुध बरूथा। चढ़े बिमानन्हि नाना जूथा।।
प्रेम पुलक तन हृदयँ उछाहू। चले बिलोकन राम बिआहू।।
देखि जनकपुरु सुर अनुरागे। निज निज लोक सबहिं लघु लागे।।
चितवहिं चकित बिचित्र बिताना। रचना सकल अलौकिक नाना।।
नगर नारि नर रूप निधाना। सुघर सुधरम सुसील सुजाना।।
तिन्हहि देखि सब सुर सुरनारीं। भए नखत जनु बिधु उजिआरीं।।
बिधिहि भयह आचरजु बिसेषी। निज करनी कछु कतहुँ न देखी।।
Suranha sumangal avasaru jana, barashahin suman bajai nisana
Siv brahmadik bibudh barutha, charhe bimananhi nana jutha
Prem pulak tan hridayam uchhahu, chale bilokan ram biahu
Dekhi janakapuru sur anurage, nij nij lok sabahin laghu lage
Chitavahin chakit bichitra bitana, rachana sakal alaukik nana
Nagar nari nar rup nidhana, sughar sudharam susil sujana
Tinhahi dekhi sab sur suranarin, bhae nakhat janu bidhu ujiarin
Bidhihi bhayah acharaju biseshi, nij karani kachhu katahun na dekhi
315.2
Doha/soratha
सिवँ समुझाए देव सब जनि आचरज भुलाहु।
हृदयँ बिचारहु धीर धरि सिय रघुबीर बिआहु ॥314॥
Sivam samujhae dev sab jani acharaj bhulahu
Hridayam bicharahu dhir dhari siy raghubir biahu