UtshovDoha 311
311.1
Chaupai
जनक सुकृत मूरति बैदेही। दसरथ सुकृत रामु धरें देही।।
इन्ह सम काँहु न सिव अवराधे। काहिं न इन्ह समान फल लाधे।।
इन्ह सम कोउ न भयउ जग माहीं। है नहिं कतहूँ होनेउ नाहीं।।
हम सब सकल सुकृत कै रासी। भए जग जनमि जनकपुर बासी।।
जिन्ह जानकी राम छबि देखी। को सुकृती हम सरिस बिसेषी।।
पुनि देखब रघुबीर बिआहू। लेब भली बिधि लोचन लाहू।।
कहहिं परसपर कोकिलबयनीं। एहि बिआहँ बड़ लाभु सुनयनीं।।
बड़ें भाग बिधि बात बनाई। नयन अतिथि होइहहिं दोउ भाई।।
Janak sukrit murati baidehi, dasarath sukrit ramu dharen dehi
Inha sam kanhu na siv avaradhe, kahin na inha saman phal ladhe
Inha sam kou na bhayau jag mahin, hai nahin katahun honeu nahin
Ham sab sakal sukrit kai rasi, bhae jag janami janakapur basi
Jinha janaki ram chhabi dekhi, ko sukriti ham saris biseshi
Puni dekhab raghubir biahu, leb bhali bidhi lochan lahu
Kahahin parasapar kokilabayanin, ehi biaham bar labhu sunayanin
Baren bhag bidhi bat banai, nayan atithi hoihahin dou bhai
311.2
Doha/soratha
बारहिं बार सनेह बस जनक बोलाउब सीय।
लेन आइहहिं बंधु दोउ कोटि काम कमनीय ॥310॥
Barahin bar saneh bas janak bolaub siy
Len aihahin bandhu dou koti kam kamaniy