UtshovDoha 310
310.1
Chaupai
रामहि देखि बरात जुड़ानी। प्रीति कि रीति न जाति बखानी।।
नृप समीप सोहहिं सुत चारी। जनु धन धरमादिक तनुधारी।।
सुतन्ह समेत दसरथहि देखी। मुदित नगर नर नारि बिसेषी।।
सुमन बरिसि सुर हनहिं निसाना। नाकनटीं नाचहिं करि गाना।।
सतानंद अरु बिप्र सचिव गन। मागध सूत बिदुष बंदीजन।।
सहित बरात राउ सनमाना। आयसु मागि फिरे अगवाना।।
प्रथम बरात लगन तें आई। तातें पुर प्रमोदु अधिकाई।।
ब्रह्मानंदु लोग सब लहहीं। बढ़हुँ दिवस निसि बिधि सन कहहीं।।
Ramahi dekhi barat jurani, priti ki riti na jati bakhani
Nrip samip sohahin sut chari, janu dhan dharamadik tanudhari
Sutanha samet dasarathahi dekhi, mudit nagar nar nari biseshi
Suman barisi sur hanahin nisana, nakanatin nachahin kari gana
Satanand aru bipra sachiv gan, magadh sut bidush bandijan
Sahit barat rau sanamana, ayasu magi phire agavana
Pratham barat lagan ten ai, taten pur pramodu adhikai
Brahmanandu log sab lahahin, barhahun divas nisi bidhi san kahahin
310.2
Doha/soratha
रामु सीय सोभा अवधि सुकृत अवधि दोउ राज।
जहँ जहँ पुरजन कहहिं अस मिलि नर नारि समाज। ॥309॥
Ramu siy sobha avadhi sukrit avadhi dou raj
Jaham jaham purajan kahahin as mili nar nari samaj