UtshovDoha 3
3.1
Chaupai
गुरु पद रज मृदु मंजुल अंजन। नयन अमिअ दृग दोष बिभंजन।।
तेहिं करि बिमल बिबेक बिलोचन। बरनउँ राम चरित भव मोचन।।
बंदउँ प्रथम महीसुर चरना। मोह जनित संसय सब हरना।।
सुजन समाज सकल गुन खानी। करउँ प्रनाम सप्रेम सुबानी।।
साधु चरित सुभ चरित कपासू। निरस बिसद गुनमय फल जासू।।
जो सहि दुख परछिद्र दुरावा। बंदनीय जेहिं जग जस पावा।।
मुद मंगलमय संत समाजू। जो जग जंगम तीरथराजू।।
राम भक्ति जहँ सुरसरि धारा। सरसइ ब्रह्म बिचार प्रचारा।।
बिधि निषेधमय कलि मल हरनी। करम कथा रबिनंदनि बरनी।।
हरि हर कथा बिराजति बेनी। सुनत सकल मुद मंगल देनी।।
बटु बिस्वास अचल निज धरमा। तीरथराज समाज सुकरमा।।
सबहिं सुलभ सब दिन सब देसा। सेवत सादर समन कलेसा।।
अकथ अलौकिक तीरथराऊ। देइ सद्य फल प्रगट प्रभाऊ।।
Guru pad raj mridu manjul anjan, nayan amia drig dosh bibhanjan
Tehin kari bimal bibek bilochan, baranaum ram charit bhav mochan
Bandaum pratham mahisur charana, moh janit sansay sab harana
Sujan samaj sakal gun khani, karaum pranam saprem subani
Sadhu charit subh charit kapasu, niras bisad gunamay phal jasu
Jo sahi dukh parachhidra durava, bandaniy jehin jag jas pava
Mud mangalamay sant samaju, jo jag jangam tiratharaju
Ram bhakti jaham surasari dhara, sarasai brahma bichar prachara
Bidhi nishedhamay kali mal harani, karam katha rabinandani barani
Hari har katha birajati beni, sunat sakal mud mangal deni
Batu bisvas achal nij dharama, tiratharaj samaj sukarama
Sabahin sulabh sab din sab desa, sevat sadar saman kalesa
Akath alaukik tiratharau, dei sadya phal pragat prabhau
3.2
Doha/soratha
सुनि समुझहिं जन मुदित मन मज्जहिं अति अनुराग।
लहहिं चारि फल अछत तनु साधु समाज प्रयाग ॥2॥
Suni samujhahin jan mudit man majjahin ati anurag
Lahahin chari phal achhat tanu sadhu samaj prayag