UtshovDoha 4
4.1
Chaupai
मज्जन फल पेखिअ ततकाला। काक होहिं पिक बकउ मराला।।
सुनि आचरज करै जनि कोई। सतसंगति महिमा नहिं गोई।।
बालमीक नारद घटजोनी। निज निज मुखनि कही निज होनी।।
जलचर थलचर नभचर नाना। जे जड़ चेतन जीव जहाना।।
मति कीरति गति भूति भलाई। जब जेहिं जतन जहाँ जेहिं पाई।।
सो जानब सतसंग प्रभाऊ। लोकहुँ बेद न आन उपाऊ।।
बिनु सतसंग बिबेक न होई। राम कृपा बिनु सुलभ न सोई।।
सतसंगत मुद मंगल मूला। सोइ फल सिधि सब साधन फूला।।
सठ सुधरहिं सतसंगति पाई। पारस परस कुधात सुहाई।।
बिधि बस सुजन कुसंगत परहीं। फनि मनि सम निज गुन अनुसरहीं।।
बिधि हरि हर कबि कोबिद बानी। कहत साधु महिमा सकुचानी।।
सो मो सन कहि जात न कैसें। साक बनिक मनि गुन गन जैसें।।
Majjan phal pekhia tatakala, kak hohin pik bakau marala
Suni acharaj karai jani koi, satasangati mahima nahin goi
Balamik narad ghatajoni, nij nij mukhani kahi nij honi
Jalachar thalachar nabhachar nana, je jar chetan jiv jahana
Mati kirati gati bhuti bhalai, jab jehin jatan jahan jehin pai
So janab satasang prabhau, lokahun bed na an upau
Binu satasang bibek na hoi, ram kripa binu sulabh na soi
Satasangat mud mangal mula, soi phal sidhi sab sadhan phula
Sath sudharahin satasangati pai, paras paras kudhat suhai
Bidhi bas sujan kusangat parahin, phani mani sam nij gun anusarahin
Bidhi hari har kabi kobid bani, kahat sadhu mahima sakuchani
So mo san kahi jat na kaisen, sak banik mani gun gan jaisen
4.2
Doha/soratha
बंदउँ संत समान चित हित अनहित नहिं कोइ।
अंजलि गत सुभ सुमन जिमि सम सुगंध कर दोइ ॥3(क)॥
Bandaum sant saman chit hit anahit nahin koi
Anjali gat subh suman jimi sam sugandh kar doi, 3(ka)
4.3
Doha/soratha
संत सरल चित जगत हित जानि सुभाउ सनेहु।
बालबिनय सुनि करि कृपा राम चरन रति देहु ॥3(ख)॥
Sant saral chit jagat hit jani subhau sanehu
Balabinay suni kari kripa ram charan rati dehu, 3(kh)