UtshovDoha 2
2.1
Chaupai
बंदउ गुरु पद पदुम परागा। सुरुचि सुबास सरस अनुरागा।।
अमिय मूरिमय चूरन चारू। समन सकल भव रुज परिवारू।।
सुकृति संभु तन बिमल बिभूती। मंजुल मंगल मोद प्रसूती।।
जन मन मंजु मुकुर मल हरनी। किएँ तिलक गुन गन बस करनी।।
श्रीगुर पद नख मनि गन जोती। सुमिरत दिब्य द्रृष्टि हियँ होती।।
दलन मोह तम सो सप्रकासू। बड़े भाग उर आवइ जासू।।
उघरहिं बिमल बिलोचन ही के। मिटहिं दोष दुख भव रजनी के।।
सूझहिं राम चरित मनि मानिक। गुपुत प्रगट जहँ जो जेहि खानिक।।
Bandau guru pad padum paraga, suruchi subas saras anuraga
Amiy murimay churan charu, saman sakal bhav ruj parivaru
Sukriti sambhu tan bimal bibhuti, manjul mangal mod prasuti
Jan man manju mukur mal harani, kiem tilak gun gan bas karani
Shrigur pad nakh mani gan joti, sumirat dibya drrishti hiyam hoti
Dalan moh tam so saprakasu, bare bhag ur avai jasu
Ugharahin bimal bilochan hi ke, mitahin dosh dukh bhav rajani ke
Sujhahin ram charit mani manik, guput pragat jaham jo jehi khanik
2.2
Doha/soratha
जथा सुअंजन अंजि दृग साधक सिद्ध सुजान।
कौतुक देखत सैल बन भूतल भूरि निधान ॥1॥
Jatha suanjan anji drig sadhak siddha sujan
Kautuk dekhat sail ban bhutal bhuri nidhan