UtshovDoha 293
293.1
Chaupai
पूछन जोगु न तनय तुम्हारे। पुरुषसिंघ तिहु पुर उजिआरे।।
जिन्ह के जस प्रताप कें आगे। ससि मलीन रबि सीतल लागे।।
तिन्ह कहँ कहिअ नाथ किमि चीन्हे। देखिअ रबि कि दीप कर लीन्हे।।
सीय स्वयंबर भूप अनेका। समिटे सुभट एक तें एका।।
संभु सरासनु काहुँ न टारा। हारे सकल बीर बरिआरा।।
तीनि लोक महँ जे भटमानी। सभ कै सकति संभु धनु भानी।।
सकइ उठाइ सरासुर मेरू। सोउ हियँ हारि गयउ करि फेरू।।
जेहि कौतुक सिवसैलु उठावा। सोउ तेहि सभाँ पराभउ पावा।।
Puchhan jogu na tanay tumhare, purushasingh tihu pur ujiare
Jinha ke jas pratap ken age, sasi malin rabi sital lage
Tinha kaham kahia nath kimi chinhe, dekhia rabi ki dip kar linhe
Siy svayambar bhup aneka, samite subhat ek ten eka
Sambhu sarasanu kahun na tara, hare sakal bir bariara
Tini lok maham je bhatamani, sabh kai sakati sambhu dhanu bhani
Sakai uthai sarasur meru, sou hiyam hari gayau kari pheru
Jehi kautuk sivasailu uthava, sou tehi sabhan parabhau pava
293.2
Doha/soratha
तहाँ राम रघुबंस मनि सुनिअ महा महिपाल।
भंजेउ चाप प्रयास बिनु जिमि गज पंकज नाल ॥292॥
Tahan ram raghubans mani sunia maha mahipal
Bhanjeu chap prayas binu jimi gaj pankaj nal