UtshovDoha 294
294.1
Chaupai
सुनि सरोष भृगुनायकु आए। बहुत भाँति तिन्ह आँखि देखाए।।
देखि राम बलु निज धनु दीन्हा। करि बहु बिनय गवनु बन कीन्हा।।
राजन रामु अतुलबल जैसें। तेज निधान लखनु पुनि तैसें।।
कंपहि भूप बिलोकत जाकें। जिमि गज हरि किसोर के ताकें।।
देव देखि तव बालक दोऊ। अब न आँखि तर आवत कोऊ।।
दूत बचन रचना प्रिय लागी। प्रेम प्रताप बीर रस पागी।।
सभा समेत राउ अनुरागे। दूतन्ह देन निछावरि लागे।।
कहि अनीति ते मूदहिं काना। धरमु बिचारि सबहिं सुख माना।।
Suni sarosh bhrigunayaku ae, bahut bhanti tinha ankhi dekhae
Dekhi ram balu nij dhanu dinha, kari bahu binay gavanu ban kinha
Rajan ramu atulabal jaisen, tej nidhan lakhanu puni taisen
Kampahi bhup bilokat jaken, jimi gaj hari kisor ke taken
Dev dekhi tav balak dou, ab na ankhi tar avat kou
Dut bachan rachana priy lagi, prem pratap bir ras pagi
Sabha samet rau anurage, dutanha den nichhavari lage
Kahi aniti te mudahin kana, dharamu bichari sabahin sukh mana
294.2
Doha/soratha
तब उठि भूप बसिष्ठ कहुँ दीन्हि पत्रिका जाइ।
कथा सुनाई गुरहि सब सादर दूत बोलाइ ॥293॥
Tab uthi bhup basishtha kahun dinhi patrika jai
Katha sunai gurahi sab sadar dut bolai