UtshovDoha 292
292.1
Chaupai
सुनि पाती पुलके दोउ भ्राता। अधिक सनेहु समात न गाता।।
प्रीति पुनीत भरत कै देखी। सकल सभाँ सुखु लहेउ बिसेषी।।
तब नृप दूत निकट बैठारे। मधुर मनोहर बचन उचारे।।
भैया कहहु कुसल दोउ बारे। तुम्ह नीकें निज नयन निहारे।।
स्यामल गौर धरें धनु भाथा। बय किसोर कौसिक मुनि साथा।।
पहिचानहु तुम्ह कहहु सुभाऊ। प्रेम बिबस पुनि पुनि कह राऊ।।
जा दिन तें मुनि गए लवाई। तब तें आजु साँचि सुधि पाई।।
कहहु बिदेह कवन बिधि जाने। सुनि प्रिय बचन दूत मुसकाने।।
Suni pati pulake dou bhrata, adhik sanehu samat na gata
Priti punit bharat kai dekhi, sakal sabhan sukhu laheu biseshi
Tab nrip dut nikat baithare, madhur manohar bachan uchare
Bhaiya kahahu kusal dou bare, tumha niken nij nayan nihare
Syamal gaur dharen dhanu bhatha, bay kisor kausik muni satha
Pahichanahu tumha kahahu subhau, prem bibas puni puni kah rau
Ja din ten muni gae lavai, tab ten aju sanchi sudhi pai
Kahahu bideh kavan bidhi jane, suni priy bachan dut musakane
292.2
Doha/soratha
सुनहु महीपति मुकुट मनि तुम्ह सम धन्य न कोउ।
रामु लखनु जिन्ह के तनय बिस्व बिभूषन दोउ ॥291॥
Sunahu mahipati mukut mani tumha sam dhanya na kou
Ramu lakhanu jinha ke tanay bisva bibhushan dou