UtshovDoha 276
276.1
Chaupai
तुम्ह तौ कालु हाँक जनु लावा। बार बार मोहि लागि बोलावा।।
सुनत लखन के बचन कठोरा। परसु सुधारि धरेउ कर घोरा।।
अब जनि देइ दोसु मोहि लोगू। कटुबादी बालकु बधजोगू।।
बाल बिलोकि बहुत मैं बाँचा। अब यहु मरनिहार भा साँचा।।
कौसिक कहा छमिअ अपराधू। बाल दोष गुन गनहिं न साधू।।
खर कुठार मैं अकरुन कोही। आगें अपराधी गुरुद्रोही।।
उतर देत छोड़उँ बिनु मारें। केवल कौसिक सील तुम्हारें।।
न त एहि काटि कुठार कठोरें। गुरहि उरिन होतेउँ श्रम थोरें।।
Tumha tau kalu hank janu lava, bar bar mohi lagi bolava
Sunat lakhan ke bachan kathora, parasu sudhari dhareu kar ghora
Ab jani dei dosu mohi logu, katubadi balaku badhajogu
Bal biloki bahut main bancha, ab yahu maranihar bha sancha
Kausik kaha chhamia aparadhu, bal dosh gun ganahin na sadhu
Khar kuthar main akarun kohi, agen aparadhi gurudrohi
Utar det chhoraum binu maren, keval kausik sil tumharen
Na ta ehi kati kuthar kathoren, gurahi urin hoteum shram thoren
276.2
Doha/soratha
गाधिसूनु कह हृदयँ हँसि मुनिहि हरिअरइ सूझ।
अयमय खाँड न ऊखमय अजहुँ न बूझ अबूझ ॥275॥
Gadhisunu kah hridayam hansi munihi hariarai sujh
Ayamay khand na ukhamay ajahun na bujh abujh