UtshovDoha 275
275.1
Chaupai
कौसिक सुनहु मंद यहु बालकु। कुटिल कालबस निज कुल घालकु।।
भानु बंस राकेस कलंकू। निपट निरंकुस अबुध असंकू।।
काल कवलु होइहि छन माहीं। कहउँ पुकारि खोरि मोहि नाहीं।।
तुम्ह हटकउ जौं चहहु उबारा। कहि प्रतापु बलु रोषु हमारा।।
लखन कहेउ मुनि सुजस तुम्हारा। तुम्हहि अछत को बरनै पारा।।
अपने मुँह तुम्ह आपनि करनी। बार अनेक भाँति बहु बरनी।।
नहिं संतोषु त पुनि कछु कहहू। जनि रिस रोकि दुसह दुख सहहू।।
बीरब्रती तुम्ह धीर अछोभा। गारी देत न पावहु सोभा।।
Kausik sunahu mand yahu balaku, kutil kalabas nij kul ghalaku
Bhanu bans rakes kalanku, nipat nirankus abudh asanku
Kal kavalu hoihi chhan mahin, kahaum pukari khori mohi nahin
Tumha hatakau jaun chahahu ubara, kahi pratapu balu roshu hamara
Lakhan kaheu muni sujas tumhara, tumhahi achhat ko baranai para
Apane munh tumha apani karani, bar anek bhanti bahu barani
Nahin santoshu ta puni kachhu kahahu, jani ris roki dusah dukh sahahu
Birabrati tumha dhir achhobha, gari det na pavahu sobha
275.2
Doha/soratha
सूर समर करनी करहिं कहि न जनावहिं आपु।
बिद्यमान रन पाइ रिपु कायर कथहिं प्रतापु ॥274॥
Sur samar karani karahin kahi na janavahin apu
Bidyaman ran pai ripu kayar kathahin pratapu