UtshovDoha 274
274.1
Chaupai
बिहसि लखनु बोले मृदु बानी। अहो मुनीसु महा भटमानी।।
पुनि पुनि मोहि देखाव कुठारू। चहत उड़ावन फूँकि पहारू।।
इहाँ कुम्हड़बतिया कोउ नाहीं। जे तरजनी देखि मरि जाहीं।।
देखि कुठारु सरासन बाना। मैं कछु कहा सहित अभिमाना।।
भृगुसुत समुझि जनेउ बिलोकी। जो कछु कहहु सहउँ रिस रोकी।।
सुर महिसुर हरिजन अरु गाई। हमरें कुल इन्ह पर न सुराई।।
बधें पापु अपकीरति हारें। मारतहूँ पा परिअ तुम्हारें।।
कोटि कुलिस सम बचनु तुम्हारा। ब्यर्थ धरहु धनु बान कुठारा।।
Bihasi lakhanu bole mridu bani, aho munisu maha bhatamani
Puni puni mohi dekhav kutharu, chahat uravan phunki paharu
Ihan kumharabatiya kou nahin, je tarajani dekhi mari jahin
Dekhi kutharu sarasan bana, main kachhu kaha sahit abhimana
Bhrigusut samujhi janeu biloki, jo kachhu kahahu sahaum ris roki
Sur mahisur harijan aru gai, hamaren kul inha par na surai
Badhen papu apakirati haren, maratahun pa paria tumharen
Koti kulis sam bachanu tumhara, byartha dharahu dhanu ban kuthara
274.2
Doha/soratha
जो बिलोकि अनुचित कहेउँ छमहु महामुनि धीर।
सुनि सरोष भृगुबंसमनि बोले गिरा गभीर ॥273॥
Jo biloki anuchit kaheum chhamahu mahamuni dhir
Suni sarosh bhrigubansamani bole gira gabhir