UtshovDoha 273
273.1
Chaupai
लखन कहा हँसि हमरें जाना। सुनहु देव सब धनुष समाना।।
का छति लाभु जून धनु तौरें। देखा राम नयन के भोरें।।
छुअत टूट रघुपतिहु न दोसू। मुनि बिनु काज करिअ कत रोसू ।
बोले चितइ परसु की ओरा। रे सठ सुनेहि सुभाउ न मोरा।।
बालकु बोलि बधउँ नहिं तोही। केवल मुनि जड़ जानहि मोही।।
बाल ब्रह्मचारी अति कोही। बिस्व बिदित छत्रियकुल द्रोही।।
भुजबल भूमि भूप बिनु कीन्ही। बिपुल बार महिदेवन्ह दीन्ही।।
सहसबाहु भुज छेदनिहारा। परसु बिलोकु महीपकुमारा।।
Lakhan kaha hansi hamaren jana, sunahu dev sab dhanush samana
Ka chhati labhu jun dhanu tauren, dekha ram nayan ke bhoren
Chhuat tut raghupatihu na dosu, muni binu kaj karia kat rosu
Bole chitai parasu ki ora, re sath sunehi subhau na mora
Balaku boli badhaum nahin tohi, keval muni jar janahi mohi
Bal brahmachari ati kohi, bisva bidit chhatriyakul drohi
Bhujabal bhumi bhup binu kinhi, bipul bar mahidevanha dinhi
Sahasabahu bhuj chhedanihara, parasu biloku mahipakumara
273.2
Doha/soratha
मातु पितहि जनि सोचबस करसि महीसकिसोर।
गर्भन्ह के अर्भक दलन परसु मोर अति घोर ॥272॥
Matu pitahi jani sochabas karasi mahisakisor
Garbhanha ke arbhak dalan parasu mor ati ghor