UtshovDoha 266
266.1
Chaupai
पुर अरु ब्योम बाजने बाजे। खल भए मलिन साधु सब राजे।।
सुर किंनर नर नाग मुनीसा। जय जय जय कहि देहिं असीसा।।
नाचहिं गावहिं बिबुध बधूटीं। बार बार कुसुमांजलि छूटीं।।
जहँ तहँ बिप्र बेदधुनि करहीं। बंदी बिरदावलि उच्चरहीं।।
महि पाताल नाक जसु ब्यापा। राम बरी सिय भंजेउ चापा।।
करहिं आरती पुर नर नारी। देहिं निछावरि बित्त बिसारी।।
सोहति सीय राम कै जौरी। छबि सिंगारु मनहुँ एक ठोरी।।
सखीं कहहिं प्रभुपद गहु सीता। करति न चरन परस अति भीता।।
Pur aru byom bajane baje, khal bhae malin sadhu sab raje
Sur kinnar nar nag munisa, jay jay jay kahi dehin asisa
Nachahin gavahin bibudh badhutin, bar bar kusumanjali chhutin
Jaham taham bipra bedadhuni karahin, bandi biradavali uchcharahin
Mahi patal nak jasu byapa, ram bari siy bhanjeu chapa
Karahin arati pur nar nari, dehin nichhavari bitta bisari
Sohati siy ram kai jauri, chhabi singaru manahun ek thori
Sakhin kahahin prabhupad gahu sita, karati na charan paras ati bhita
266.2
Doha/soratha
गौतम तिय गति सुरति करि नहिं परसति पग पानि।
मन बिहसे रघुबंसमनि प्रीति अलौकिक जानि ॥265॥
Gautam tiy gati surati kari nahin parasati pag pani
Man bihase raghubansamani priti alaukik jani