UtshovDoha 267
267.1
Chaupai
तब सिय देखि भूप अभिलाषे। कूर कपूत मूढ़ मन माखे।।
उठि उठि पहिरि सनाह अभागे। जहँ तहँ गाल बजावन लागे।।
लेहु छड़ाइ सीय कह कोऊ। धरि बाँधहु नृप बालक दोऊ।।
तोरें धनुषु चाड़ नहिं सरई। जीवत हमहि कुअँरि को बरई।।
जौं बिदेहु कछु करै सहाई। जीतहु समर सहित दोउ भाई।।
साधु भूप बोले सुनि बानी। राजसमाजहि लाज लजानी।।
बलु प्रतापु बीरता बड़ाई। नाक पिनाकहि संग सिधाई।।
सोइ सूरता कि अब कहुँ पाई। असि बुधि तौ बिधि मुहँ मसि लाई।।
Tab siy dekhi bhup abhilashe, kur kaput murh man makhe
Uthi uthi pahiri sanah abhage, jaham taham gal bajavan lage
Lehu chharai siy kah kou, dhari bandhahu nrip balak dou
Toren dhanushu char nahin sarai, jivat hamahi kuanri ko barai
Jaun bidehu kachhu karai sahai, jitahu samar sahit dou bhai
Sadhu bhup bole suni bani, rajasamajahi laj lajani
Balu pratapu birata barai, nak pinakahi sang sidhai
Soi surata ki ab kahun pai, asi budhi tau bidhi muham masi lai
267.2
Doha/soratha
देखहु रामहि नयन भरि तजि इरिषा मदु कोहु।
लखन रोषु पावकु प्रबल जानि सलभ जनि होहु ॥266॥
Dekhahu ramahi nayan bhari taji irisha madu kohu
Lakhan roshu pavaku prabal jani salabh jani hohu