UtshovDoha 265
265.1
Chaupai
सखिन्ह मध्य सिय सोहति कैसे। छबिगन मध्य महाछबि जैसें।।
कर सरोज जयमाल सुहाई। बिस्व बिजय सोभा जेहिं छाई।।
तन सकोचु मन परम उछाहू। गूढ़ प्रेमु लखि परइ न काहू।।
जाइ समीप राम छबि देखी। रहि जनु कुँअरि चित्र अवरेखी।।
चतुर सखीं लखि कहा बुझाई। पहिरावहु जयमाल सुहाई।।
सुनत जुगल कर माल उठाई। प्रेम बिबस पहिराइ न जाई।।
सोहत जनु जुग जलज सनाला। ससिहि सभीत देत जयमाला।।
गावहिं छबि अवलोकि सहेली। सियँ जयमाल राम उर मेली।।
Sakhinha madhya siy sohati kaise, chhabigan madhya mahachhabi jaisen
Kar saroj jayamal suhai, bisva bijay sobha jehin chhai
Tan sakochu man param uchhahu, gurh premu lakhi parai na kahu
Jai samip ram chhabi dekhi, rahi janu kunari chitra avarekhi
Chatur sakhin lakhi kaha bujhai, pahiravahu jayamal suhai
Sunat jugal kar mal uthai, prem bibas pahirai na jai
Sohat janu jug jalaj sanala, sasihi sabhit det jayamala
Gavahin chhabi avaloki saheli, siyam jayamal ram ur meli
265.2
Doha/soratha
रघुबर उर जयमाल देखि देव बरिसहिं सुमन।
सकुचे सकल भुआल जनु बिलोकि रबि कुमुदगन ॥264॥
Raghubar ur jayamal dekhi dev barisahin suman
Sakuche sakal bhual janu biloki rabi kumudagan