UtshovDoha 257
257.1
Chaupai
सखि सब कौतुक देखनिहारे। जेठ कहावत हितू हमारे।।
कोउ न बुझाइ कहइ गुर पाहीं। ए बालक असि हठ भलि नाहीं।।
रावन बान छुआ नहिं चापा। हारे सकल भूप करि दापा।।
सो धनु राजकुअँर कर देहीं। बाल मराल कि मंदर लेहीं।।
भूप सयानप सकल सिरानी। सखि बिधि गति कछु जाति न जानी।।
बोली चतुर सखी मृदु बानी। तेजवंत लघु गनिअ न रानी।।
कहँ कुंभज कहँ सिंधु अपारा। सोषेउ सुजसु सकल संसारा।।
रबि मंडल देखत लघु लागा। उदयँ तासु तिभुवन तम भागा।।
Sakhi sab kautuk dekhanihare, jeth kahavat hitu hamare
Kou na bujhai kahai gur pahin, e balak asi hath bhali nahin
Ravan ban chhua nahin chapa, hare sakal bhup kari dapa
So dhanu rajakuanr kar dehin, bal maral ki mandar lehin
Bhup sayanap sakal sirani, sakhi bidhi gati kachhu jati na jani
Boli chatur sakhi mridu bani, tejavant laghu gania na rani
Kaham kumbhaj kaham sindhu apara, sosheu sujasu sakal sansara
Rabi mandal dekhat laghu laga, udayam tasu tibhuvan tam bhaga
257.2
Doha/soratha
मंत्र परम लघु जासु बस बिधि हरि हर सुर सर्ब।
महामत्त गजराज कहुँ बस कर अंकुस खर्ब ॥256॥
Mantra param laghu jasu bas bidhi hari har sur sarba
Mahamatta gajaraj kahun bas kar ankus kharba