UtshovDoha 256
256.1
Chaupai
नृपन्ह केरि आसा निसि नासी। बचन नखत अवली न प्रकासी।।
मानी महिप कुमुद सकुचाने। कपटी भूप उलूक लुकाने।।
भए बिसोक कोक मुनि देवा। बरिसहिं सुमन जनावहिं सेवा।।
गुर पद बंदि सहित अनुरागा। राम मुनिन्ह सन आयसु मागा।।
सहजहिं चले सकल जग स्वामी। मत्त मंजु बर कुंजर गामी।।
चलत राम सब पुर नर नारी। पुलक पूरि तन भए सुखारी।।
बंदि पितर सुर सुकृत सँभारे। जौं कछु पुन्य प्रभाउ हमारे।।
तौ सिवधनु मृनाल की नाईं। तोरहुँ राम गनेस गोसाईं।।
Nripanha keri asa nisi nasi, bachan nakhat avali na prakasi
Mani mahip kumud sakuchane, kapati bhup uluk lukane
Bhae bisok kok muni deva, barisahin suman janavahin seva
Gur pad bandi sahit anuraga, ram muninha san ayasu maga
Sahajahin chale sakal jag svami, matta manju bar kunjar gami
Chalat ram sab pur nar nari, pulak puri tan bhae sukhari
Bandi pitar sur sukrit sambhare, jaun kachhu punya prabhau hamare
Tau sivadhanu mrinal ki naim, torahun ram ganes gosaim
256.2
Doha/soratha
रामहि प्रेम समेत लखि सखिन्ह समीप बोलाइ।
सीता मातु सनेह बस बचन कहइ बिलखाइ ॥255॥
Ramahi prem samet lakhi sakhinha samip bolai
Sita matu saneh bas bachan kahai bilakhai