UtshovDoha 258
258.1
Chaupai
काम कुसुम धनु सायक लीन्हे। सकल भुवन अपने बस कीन्हे।।
देबि तजिअ संसउ अस जानी। भंजब धनुष रामु सुनु रानी।।
सखी बचन सुनि भै परतीती। मिटा बिषादु बढ़ी अति प्रीती।।
तब रामहि बिलोकि बैदेही। सभय हृदयँ बिनवति जेहि तेही।।
मनहीं मन मनाव अकुलानी। होहु प्रसन्न महेस भवानी।।
करहु सफल आपनि सेवकाई। करि हितु हरहु चाप गरुआई।।
गननायक बरदायक देवा। आजु लगें कीन्हिउँ तुअ सेवा।।
बार बार बिनती सुनि मोरी। करहु चाप गुरुता अति थोरी।।
Kam kusum dhanu sayak linhe, sakal bhuvan apane bas kinhe
Debi tajia sansau as jani, bhanjab dhanush ramu sunu rani
Sakhi bachan suni bhai paratiti, mita bishadu barhi ati priti
Tab ramahi biloki baidehi, sabhay hridayam binavati jehi tehi
Manahin man manav akulani, hohu prasanna mahes bhavani
Karahu saphal apani sevakai, kari hitu harahu chap garuai
Gananayak baradayak deva, aju lagen kinhium tua seva
Bar bar binati suni mori, karahu chap guruta ati thori
258.2
Doha/soratha
देखि देखि रघुबीर तन सुर मनाव धरि धीर।।
भरे बिलोचन प्रेम जल पुलकावली सरीर ॥257॥
Dekhi dekhi raghubir tan sur manav dhari dhir
Bhare bilochan prem jal pulakavali sarir