UtshovDoha 249
249.1
Chaupai
चलिं संग लै सखीं सयानी। गावत गीत मनोहर बानी।।
सोह नवल तनु सुंदर सारी। जगत जननि अतुलित छबि भारी।।
भूषन सकल सुदेस सुहाए। अंग अंग रचि सखिन्ह बनाए।।
रंगभूमि जब सिय पगु धारी। देखि रूप मोहे नर नारी।।
हरषि सुरन्ह दुंदुभीं बजाई। बरषि प्रसून अपछरा गाई।।
पानि सरोज सोह जयमाला। अवचट चितए सकल भुआला।।
सीय चकित चित रामहि चाहा। भए मोहबस सब नरनाहा।।
मुनि समीप देखे दोउ भाई। लगे ललकि लोचन निधि पाई।।
Chalin sang lai sakhin sayani, gavat git manohar bani
Soh naval tanu sundar sari, jagat janani atulit chhabi bhari
Bhushan sakal sudes suhae, ang ang rachi sakhinha banae
Rangabhumi jab siy pagu dhari, dekhi rup mohe nar nari
Harashi suranha dundubhin bajai, barashi prasun apachhara gai
Pani saroj soh jayamala, avachat chitae sakal bhuala
Siy chakit chit ramahi chaha, bhae mohabas sab naranaha
Muni samip dekhe dou bhai, lage lalaki lochan nidhi pai
249.2
Doha/soratha
गुरजन लाज समाजु बड़ देखि सीय सकुचानि।।
लागि बिलोकन सखिन्ह तन रघुबीरहि उर आनि ॥248॥
Gurajan laj samaju bar dekhi siy sakuchani
Lagi bilokan sakhinha tan raghubirahi ur ani