UtshovDoha 230
230.1
Chaupai
देखन बागु कुअँर दुइ आए। बय किसोर सब भाँति सुहाए।।
स्याम गौर किमि कहौं बखानी। गिरा अनयन नयन बिनु बानी।।
सुनि हरषीं सब सखीं सयानी। सिय हियँ अति उतकंठा जानी।।
एक कहइ नृपसुत तेइ आली। सुने जे मुनि सँग आए काली।।
जिन्ह निज रूप मोहनी डारी। कीन्ह स्वबस नगर नर नारी।।
बरनत छबि जहँ तहँ सब लोगू। अवसि देखिअहिं देखन जोगू।।
तासु वचन अति सियहि सुहाने। दरस लागि लोचन अकुलाने।।
चली अग्र करि प्रिय सखि सोई। प्रीति पुरातन लखइ न कोई।।
Dekhan bagu kuanr dui ae, bay kisor sab bhanti suhae
Syam gaur kimi kahaun bakhani, gira anayan nayan binu bani
Suni harashin sab sakhin sayani, siy hiyam ati utakantha jani
Ek kahai nripasut tei ali, sune je muni sang ae kali
Jinha nij rup mohani dari, kinha svabas nagar nar nari
Baranat chhabi jaham taham sab logu, avasi dekhiahin dekhan jogu
Tasu vachan ati siyahi suhane, daras lagi lochan akulane
Chali agra kari priy sakhi soi, priti puratan lakhai na koi
230.2
Doha/soratha
सुमिरि सीय नारद बचन उपजी प्रीति पुनीत।।
चकित बिलोकति सकल दिसि जनु सिसु मृगी सभीत ॥229॥
Sumiri siy narad bachan upaji priti punit
Chakit bilokati sakal disi janu sisu mrigi sabhit