UtshovDoha 229
229.1
Chaupai
चहुँ दिसि चितइ पूँछि मालिगन। लगे लेन दल फूल मुदित मन।।
तेहि अवसर सीता तहँ आई। गिरिजा पूजन जननि पठाई।।
संग सखीं सब सुभग सयानी। गावहिं गीत मनोहर बानी।।
सर समीप गिरिजा गृह सोहा। बरनि न जाइ देखि मनु मोहा।।
मज्जनु करि सर सखिन्ह समेता। गई मुदित मन गौरि निकेता।।
पूजा कीन्हि अधिक अनुरागा। निज अनुरूप सुभग बरु मागा।।
एक सखी सिय संगु बिहाई। गई रही देखन फुलवाई।।
तेहि दोउ बंधु बिलोके जाई। प्रेम बिबस सीता पहिं आई।।
Chahun disi chitai punchhi maligan, lage len dal phul mudit man
Tehi avasar sita taham ai, girija pujan janani pathai
Sang sakhin sab subhag sayani, gavahin git manohar bani
Sar samip girija grih soha, barani na jai dekhi manu moha
Majjanu kari sar sakhinha sameta, gai mudit man gauri niketa
Puja kinhi adhik anuraga, nij anurup subhag baru maga
Ek sakhi siy sangu bihai, gai rahi dekhan phulavai
Tehi dou bandhu biloke jai, prem bibas sita pahin ai
229.2
Doha/soratha
तासु दसा देखि सखिन्ह पुलक गात जलु नैन।
कहु कारनु निज हरष कर पूछहि सब मृदु बैन ॥228॥
Tasu dasa dekhi sakhinha pulak gat jalu nain
Kahu karanu nij harash kar puchhahi sab mridu bain