UtshovDoha 215
215.1
Chaupai
सुभग द्वार सब कुलिस कपाटा। भूप भीर नट मागध भाटा।।
बनी बिसाल बाजि गज साला। हय गय रथ संकुल सब काला।।
सूर सचिव सेनप बहुतेरे। नृपगृह सरिस सदन सब केरे।।
पुर बाहेर सर सारित समीपा। उतरे जहँ तहँ बिपुल महीपा।।
देखि अनूप एक अँवराई। सब सुपास सब भाँति सुहाई।।
कौसिक कहेउ मोर मनु माना। इहाँ रहिअ रघुबीर सुजाना।।
भलेहिं नाथ कहि कृपानिकेता। उतरे तहँ मुनिबृंद समेता।।
बिस्वामित्र महामुनि आए। समाचार मिथिलापति पाए।।
Subhag dvar sab kulis kapata, bhup bhir nat magadh bhata
Bani bisal baji gaj sala, hay gay rath sankul sab kala
Sur sachiv senap bahutere, nripagrih saris sadan sab kere
Pur baher sar sarit samipa, utare jaham taham bipul mahipa
Dekhi anup ek anvarai, sab supas sab bhanti suhai
Kausik kaheu mor manu mana, ihan rahia raghubir sujana
Bhalehin nath kahi kripaniketa, utare taham munibrind sameta
Bisvamitra mahamuni ae, samachar mithilapati pae
215.2
Doha/soratha
संग सचिव सुचि भूरि भट भूसुर बर गुर ग्याति।
चले मिलन मुनिनायकहि मुदित राउ एहि भाँति ॥214॥
Sang sachiv suchi bhuri bhat bhusur bar gur gyati
Chale milan muninayakahi mudit rau ehi bhanti