UtshovDoha 214
214.1
Chaupai
बनइ न बरनत नगर निकाई। जहाँ जाइ मन तहँइँ लोभाई।।
चारु बजारु बिचित्र अँबारी। मनिमय बिधि जनु स्वकर सँवारी।।
धनिक बनिक बर धनद समाना। बैठ सकल बस्तु लै नाना।।
चौहट सुंदर गलीं सुहाई। संतत रहहिं सुगंध सिंचाई।।
मंगलमय मंदिर सब केरें। चित्रित जनु रतिनाथ चितेरें।।
पुर नर नारि सुभग सुचि संता। धरमसील ग्यानी गुनवंता।।
अति अनूप जहँ जनक निवासू। बिथकहिं बिबुध बिलोकि बिलासू।।
होत चकित चित कोट बिलोकी। सकल भुवन सोभा जनु रोकी।।
Banai na baranat nagar nikai, jahan jai man tahanim lobhai
Charu bajaru bichitra ambari, manimay bidhi janu svakar sanvari
Dhanik banik bar dhanad samana, baith sakal bastu lai nana
Chauhat sundar galin suhai, santat rahahin sugandh sinchai
Mangalamay mandir sab keren, chitrit janu ratinath chiteren
Pur nar nari subhag suchi santa, dharamasil gyani gunavanta
Ati anup jaham janak nivasu, bithakahin bibudh biloki bilasu
Hot chakit chit kot biloki, sakal bhuvan sobha janu roki
214.2
Doha/soratha
धवल धाम मनि पुरट पट सुघटित नाना भाँति।
सिय निवास सुंदर सदन सोभा किमि कहि जाति ॥213॥
Dhaval dham mani purat pat sughatit nana bhanti
Siy nivas sundar sadan sobha kimi kahi jati