UtshovDoha 213
213.1
Chaupai
चले राम लछिमन मुनि संगा। गए जहाँ जग पावनि गंगा।।
गाधिसूनु सब कथा सुनाई। जेहि प्रकार सुरसरि महि आई।।
तब प्रभु रिषिन्ह समेत नहाए। बिबिध दान महिदेवन्हि पाए।।
हरषि चले मुनि बृंद सहाया। बेगि बिदेह नगर निअराया।।
पुर रम्यता राम जब देखी। हरषे अनुज समेत बिसेषी।।
बापीं कूप सरित सर नाना। सलिल सुधासम मनि सोपाना।।
गुंजत मंजु मत्त रस भृंगा। कूजत कल बहुबरन बिहंगा।।
बरन बरन बिकसे बन जाता। त्रिबिध समीर सदा सुखदाता।।
Chale ram lachhiman muni sanga, gae jahan jag pavani ganga
Gadhisunu sab katha sunai, jehi prakar surasari mahi ai
Tab prabhu rishinha samet nahae, bibidh dan mahidevanhi pae
Harashi chale muni brind sahaya, begi bideh nagar niaraya
Pur ramyata ram jab dekhi, harashe anuj samet biseshi
Bapin kup sarit sar nana, salil sudhasam mani sopana
Gunjat manju matta ras bhringa, kujat kal bahubaran bihanga
Baran baran bikase ban jata, tribidh samir sada sukhadata
213.2
Doha/soratha
सुमन बाटिका बाग बन बिपुल बिहंग निवास।
फूलत फलत सुपल्लवत सोहत पुर चहुँ पास ॥212॥
Suman batika bag ban bipul bihang nivas
Phulat phalat supallavat sohat pur chahun pas