UtshovDoha 192
192.1
Chaupai
नौमी तिथि मधु मास पुनीता। सुकल पच्छ अभिजित हरिप्रीता।।
मध्यदिवस अति सीत न घामा। पावन काल लोक बिश्रामा।।
सीतल मंद सुरभि बह बाऊ। हरषित सुर संतन मन चाऊ।।
बन कुसुमित गिरिगन मनिआरा। स्त्रवहिं सकल सरिताऽमृतधारा।।
सो अवसर बिरंचि जब जाना। चले सकल सुर साजि बिमाना।।
गगन बिमल सकुल सुर जूथा। गावहिं गुन गंधर्ब बरूथा।।
बरषहिं सुमन सुअंजलि साजी। गहगहि गगन दुंदुभी बाजी।।
अस्तुति करहिं नाग मुनि देवा। बहुबिधि लावहिं निज निज सेवा।।
Naumi tithi madhu mas punita, sukal pachchha abhijit hariprita
Madhyadivas ati sit na ghama, pavan kal lok bishrama
Sital mand surabhi bah bau, harashit sur santan man chau
Ban kusumit girigan maniara, stravahin sakal saritamritadhara
So avasar biranchi jab jana, chale sakal sur saji bimana
Gagan bimal sakul sur jutha, gavahin gun gandharba barutha
Barashahin suman suanjali saji, gahagahi gagan dundubhi baji
Astuti karahin nag muni deva, bahubidhi lavahin nij nij seva
192.2
Doha/soratha
सुर समूह बिनती करि पहुँचे निज निज धाम।
जगनिवास प्रभु प्रगटे अखिल लोक बिश्राम ॥191॥
Sur samuh binati kari pahunche nij nij dham
Jaganivas prabhu pragate akhil lok bishram