UtshovDoha 193
193.1
Chhand
भए प्रगट कृपाला दीनदयाला कौसल्या हितकारी।
हरषित महतारी मुनि मन हारी अद्भुत रूप बिचारी।।
लोचन अभिरामा तनु घनस्यामा निज आयुध भुज चारी।
भूषन बनमाला नयन बिसाला सोभासिंधु खरारी।।
कह दुइ कर जोरी अस्तुति तोरी केहि बिधि करौं अनंता।
माया गुन ग्यानातीत अमाना बेद पुरान भनंता।।
करुना सुख सागर सब गुन आगर जेहि गावहिं श्रुति संता।
सो मम हित लागी जन अनुरागी भयउ प्रगट श्रीकंता।।
ब्रह्मांड निकाया निर्मित माया रोम रोम प्रति बेद कहै।
मम उर सो बासी यह उपहासी सुनत धीर पति थिर न रहै।।
उपजा जब ग्याना प्रभु मुसकाना चरित बहुत बिधि कीन्ह चहै।
कहि कथा सुहाई मातु बुझाई जेहि प्रकार सुत प्रेम लहै।।
माता पुनि बोली सो मति डौली तजहु तात यह रूपा।
कीजै सिसुलीला अति प्रियसीला यह सुख परम अनूपा।।
सुनि बचन सुजाना रोदन ठाना होइ बालक सुरभूपा।
यह चरित जे गावहिं हरिपद पावहिं ते न परहिं भवकूपा।।
Bhae pragat kripala dinadayala kausalya hitakari
Harashit mahatari muni man hari adbhut rup bichari
Lochan abhirama tanu ghanasyama nij ayudh bhuj chari
Bhushan banamala nayan bisala sobhasindhu kharari
Kah dui kar jori astuti tori kehi bidhi karaun ananta
Maya gun gyanatit amana bed puran bhananta
Karuna sukh sagar sab gun agar jehi gavahin shruti santa
So mam hit lagi jan anuragi bhayau pragat shrikanta
Brahmand nikaya nirmit maya rom rom prati bed kahai
Mam ur so basi yah upahasi sunat dhir pati thir na rahai
Upaja jab gyana prabhu musakana charit bahut bidhi kinha chahai
Kahi katha suhai matu bujhai jehi prakar sut prem lahai
Mata puni boli so mati dauli tajahu tat yah rupa
Kijai sisulila ati priyasila yah sukh param anupa
Suni bachan sujana rodan thana hoi balak surabhupa
Yah charit je gavahin haripad pavahin te na parahin bhavakupa
193.2
Doha/soratha
बिप्र धेनु सुर संत हित लीन्ह मनुज अवतार।
निज इच्छा निर्मित तनु माया गुन गो पार ॥192॥
Bipra dhenu sur sant hit linha manuj avatar
Nij ichchha nirmit tanu maya gun go par