UtshovDoha 191
191.1
Chaupai
तबहिं रायँ प्रिय नारि बोलाईं। कौसल्यादि तहाँ चलि आई।।
अर्ध भाग कौसल्याहि दीन्हा। उभय भाग आधे कर कीन्हा।।
कैकेई कहँ नृप सो दयऊ। रह्यो सो उभय भाग पुनि भयऊ।।
कौसल्या कैकेई हाथ धरि। दीन्ह सुमित्रहि मन प्रसन्न करि।।
एहि बिधि गर्भसहित सब नारी। भईं हृदयँ हरषित सुख भारी।।
जा दिन तें हरि गर्भहिं आए। सकल लोक सुख संपति छाए।।
मंदिर महँ सब राजहिं रानी। सोभा सील तेज की खानीं।।
सुख जुत कछुक काल चलि गयऊ। जेहिं प्रभु प्रगट सो अवसर भयऊ।।
Tabahin rayam priy nari bolaim, kausalyadi tahan chali ai
Ardha bhag kausalyahi dinha, ubhay bhag adhe kar kinha
Kaikei kaham nrip so dayau, rahyo so ubhay bhag puni bhayau
Kausalya kaikei hath dhari, dinha sumitrahi man prasanna kari
Ehi bidhi garbhasahit sab nari, bhaim hridayam harashit sukh bhari
Ja din ten hari garbhahin ae, sakal lok sukh sampati chhae
Mandir maham sab rajahin rani, sobha sil tej ki khanin
Sukh jut kachhuk kal chali gayau, jehin prabhu pragat so avasar bhayau
191.2
Doha/soratha
जोग लगन ग्रह बार तिथि सकल भए अनुकूल।
चर अरु अचर हर्षजुत राम जनम सुखमूल ॥190॥
Jog lagan grah bar tithi sakal bhae anukul
Char aru achar harshajut ram janam sukhamul